Hverjir eru í framboði

Af þeim sem efstir eru í framboði til forseta Íslands er valið auðvelt fyrir mig. Þar er einnig maður á ferðinni sem getur staðið í færustu fréttaspyrlum heims án þess að hafa í eyranu Gúglandi og/eða fróða menn í bakherbergi.
Ég hef heyrt skrítnar raddir eins og: Er hann ekki búinn að vera nógu lengi? Þjóðarleiðtogi og sameiningartákn sem stendur sig vel er aldrei búinn að vera of lengi. Ekki eyðileggjum við góðan veg ef hann er ennþá góður þótt gamall sé!
Margir hinna frambjóðandanna eru einnig góðir valkostir. Ari Trausti, hann væri líklega mjög fínn í þetta starf. Þóra eflaust líka en hún má alveg bíða í svosum átta ár eða svo eða þar til hún hefur öðlast reynslu af lífinu.
Það er mikið rætt um að forsetinn eigi ekki að vera pólitískur. Ólafur var svo sannarlega pólitískur enda formaður stjórnmálaflokks en að mínu mati hefur hann sýnt það og sannað að hann er ekki að hygla einum flokki umfram annan. Hans pólítík er fólksins. Hann hefur t.a.m. notað neitunarvald sitt á móti fyrrverandi samflokksmönnum sínum sem sýnir okkur að honum er vel treystandi sem "ópólitískum" forseta sem fer eftir vilja fólksins í landinu.
Aðrir frambjóðendur eru einnig mjög frambærilegir en af hverju að skipta þegar við höfum þennan reynslubolta í alþjóðasamskiptum, mann sem hugsar um hag þjóðarinnar og vill halda vörð um hagsmuni fólksins í landinu.
Þóra, bíddu aðeins! og þið hin, Ólafur er ekki kominn á tíma.

Átta nýir árgangar kjósa forseta

Kapitalismi og lyfjafyrirtæki fara ekki saman

Það borgar sig ekki fyrir lyfjafyrirtæki að framleiða lyf sem lækna. Það borgar sig fyrir þau að framleiða lyf sem halda niðri einkennum og helst þannig að þú sért háður þeim.  

Verðum að draga úr ægivaldi lyfjaiðnaðarins

Hvar á að skera?

Einhvers staðar þarf að spara en þegar farið er að spara á þessum sviðum spyr maður sig hvort ekki eigi einnig að spara á öðrum eða byrja annars staðar. Hjálp við að eignast barn, sumsé nokkurs konar leiðrétting á getu manna til þess finnst mér mikilvægara en t.d. kynleiðrétting sem ekki þarf að borga neitt fyrir. Leiðrétting á brjóstastærð eða nefaðgerðir eru ekki fríar! Síðan eru það ófrjósemisaðgerðir sem eru fríar en mættu kannski alveg kosta eitthvað.
Þá tekur botninn úr að endurtengingar eftir ófrjósemisaðgerðir eru einnig fríar. Ef einstaklingur hefur einu sinni ákveðið að hætta að eignast börn þá er það í mínum huga eðlilegasti hlutur að greitt sé fyrir að láta tengja aftur þegar viðkomandi snýst hugur en það er ekki!
Það er eins í þessu og öllu öðru að í upphafi þegar ákveðið er að búa til velferðarkerfi þá er auðvitað bara hjálpað til þar sem það er nauðsynlegt en þegar góðæri brestur á, þá er hlaupið upp til handa og fóta og bætt við þjónustuna. En þegar síðan kreppir aftur að, þá er grunnstoðunum kippt undan og haldið áfram að styrkja prjálið. Því sem bætt var við í góðærinu á auðvitað að taka af í kreppunni. Sama gildir um allan ríkisreksturinn. Burt með allt prjálið þar, allar nýju ónýtu stofnanirnar og styrkið heldur grunninn betur!

Skora á ráðherra að draga breytingar til baka

Ekki sameinast

Lilja Mósesdóttir á eftir að vinna stórsigur í næstu kosningum. Þegar fólk er samkvæmt sjálfu sér og eltir ekki foringjann þegar hann reikar burt af réttri leið þá er komin manneskja sem hefur öðlast traust almennings. Þótt hún sé lengst til vinstri þá mun hún einnig ná til sín fólki sem venjulega kýs hægri flokkana því hún virðist réttlát, fylgin sér og vill ekki færa útlendingum landið á silfurfati þótt þeir bjóði einhverja milljarða fyrir það.
Lilja og Guðmundur Steingríms eru bæði góðir kostir en þau eru náttúrulega algerir andstæðingar þegar kemur að Evrópumálum. Held það sé mikill barnaskapur hjá Guðmundi að halda að við munum hagnast eitthvað á því að ganga í Evrópubandalagið. Það getur verið skjótur hagnaður en til lengri tíma litið munum við missa allt úr höndunum til Evrópskra auðjöfra og ekki er það betra en til þeirra íslensku. Að því sögðu þá finnst mér brýnast á dagskrá nú að tryggja það að aðeins Íslendingar geti eignast land og auðlindir landsins. Loka strax fyrir að aðrir Evrópubúar geti eignast þetta. Til að fyrirbyggja gamalt lénsskipulag er heldur ekki úr vegi að takmarka eignarhluta við ákveðna prósentu.

Nýju framboðin sameinist

Bjargað og drepið

Hverjum á að bjarga og hverja skal drepa. Það er spurningin?
Ekki langt síðan þessi frétt barst frá Tyrklandi: http://mbl.is/frettir/erlent/2011/10/22/tugir_fellu_i_kurdistan/

Nú er Þorlákur þreyttur

Ég tel að málið ætti að fá aðra afgreiðslu. Arkitekt Skálholtskirkju hefur greinilega ekki unnið vinnuna sína og látið fagurfræði ná yfirtökum á hönnun sinni í stað þess að bera virðingu fyrir því sem þegar var byggt á svæðinu. Hönnun Skálholtskirkju var bersýnilega á skjön við Þorláksbúð og ætti því að rífa kirkjuna þar sem hún skyggir mikið á staðinn þar sem þessi forna bygging stóð.
Við sem erum afkomendur fyrri ábúenda á Skálholti og rekjum staðinn til kristinnar helgi og minnumst heilags Þorláks á vetri og sumri förum þess á leit við Kirkjuráð að skálholtskirkja verði rifin við fyrsta tækifæri svo minning þessa merka manns megi fái að blómstra frá Skálholti.
Í alvöru! hversu langt á að ganga í að hlusta á tiktúrur arkitekta og afkomenda þeirra? Þarf virkilega að rífa hús og byggja aftur til að losna undan svona skrípaleik?

Yfirlýsing vegna framkvæmda við Skálholt

Kalla á afsögn

Ef við sýnum ekki stjórnvöldum og stofnunum þessa lands virðingu er alveg öruggt að börnin okkar munu ekki gera það. Held að agaleysi í skólum sé mikið til vegna þess hvernig foreldrar "blaðra" um stjórnvöld og skólastjórnendur og passa þannig ekki upp á að kenna börnunum að sýna virðingu.
Það er því algerlega vítavert þegar Alþingismenn geta ekki setið á sér og sýna virðingarleysi. Þótt ég sé hlynntur stefnu VG í mörgu þá finnst mér að Björn Valur eigi að sýna sóma sinn í því að segja af sér vegna þessa máls.

Talaði um „forsetaræfilinn“

Er ekki Reykjanesið á undan?

Mér sýnist á skjálftavirkninni á vedur.is að Krísuvíkin sé í þann mund að "fríka út". Það verður kannski sögulegt að gjósi á báðum stöðum í einu!

Engin augljós skýring á óróa

Það kemur þá í ljós

Það kemur þá í ljós hver áhuginn er á þessu sporti! :-)

Hefðu viljað leikina á HM ólæsta

Skemmtilegar pælingar

Eftir lestur Eiríks sögu rauða hef ég verið að velta því fyrir mér hvað þeir gerðu við indíánabörnin sem þeir tóku með sér og kenndu íslensku. Þetta var að mig minnir í sömu ferð og þeir fundu einfætingalandið, þ.e. land þeirra sem eru einfættir. Ég var reyndar mjög skeptískur á þennan fund eins og gefur að skilja en eftir að ég fann greinar um ýmsa þjóðflokka indíána Norður Ameríku finnst mér eins og ég hafi fundið skýringuna á þessu. Blackfoot þjóðflokkurinn átti það til að mála fætur dýra og manna. Annan fótinn rauðan og hinn svartan. Hvernig lítur einstaklingur út í fjarlægð sem hleypur inn í skóginn málaður á þennan hátt. Ég er ekki frá því að fyrir mörgum geti hann litið út sem einfættur! :-) Blackfoot þjóðflokkurinn er frá Delaware, fyrir sunnan New Jersey en það er u.þ.b. svo langt sunnarlega sem ég hef heyrt að talið sé að leiðangrarnir frá Grænlandi voru.

Það er margt í Íslendingasögunum sem virkar við fyrstu sýn eins og algert bull en oftast á það sér eðlilegar skýringar. Ég er því á þeirri skoðun að við eigum að trúa upplýsingum um landafundi og indíána sem hafa verið fluttir til okkar heima.

Amerískir indíánar til Íslands árið 1000?