Einum of

8.12.2008 | 16:24

Það er alger óþarfi að ráðast inn á Alþingi! Ef það er eitthvað sem getur hjálpað okkur úr þessum kröggum þá er það að leyfa Alþingi að starfa í friði.
Mótmælið frekar við Stjórnarráðið þar sem framkvæmdavaldið er! Það er búið að æsa þessa krakka allt of mikið upp með endalausum mótmælum og á kolvitlausum stað í þokkabót.
Munum það að þeir sem eru kosnir á þing eru þar í okkar umboði. Ef við viljum aðra þá kjósum við aðra. Allt bull um að þetta fólk sé ekki starfi sínu vaxið er auðvitað alger fásinna. Þetta er fólkið sem við treystum fyrir okkar landi og það á að fá að vinna í friði.
Í næstu kosningum munum við eflaust sjá ný andlit en þau andlit munu einnig verða dýralæknar, lögfræðingar, skjúkraþjálfar, hagfræðingar og hvað öll þessi störf nú heita í þjóðfélaginu. Það er enginn útlærður þingmaður og við verðum að átta okkur á því að þeir sem sitja þarna eru að gera sitt besta.
Fullorðið fólk á að fræða börnin sín á því svo þau læri að bera virðingu fyrir þeim sem eru að vinna fyrir þau.
Lítum okkur nær og byrjum heima hjá okkur. Byrjum á því að kenna börnunum að bera virðingu fyrir næsta nágrenni, hætta að henda rusli, fara vel með almennings eigur og vera öðrum til fyrirmyndar í orði og verki.

	Mikill viðbúnaður við þinghúsið
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Gripadeildirnar sem nú ráfa um samfélagið og stela öllum eigum íslensks almennings mun ekki verða stoppaður af því að við hættum að henda rusli. Friðsamleg mótmæli voru reynd og nú er fólk farið yfir í annars vegar ófriðsamleg mótmæli og hinsvegar vonleysi. Næsta stig verður svo annarsvegar ofbeldisfull mótmæli og hinsvegar landflótti.

Héðinn Björnsson, 8.12.2008 kl. 16:43