Slaufum lyfjarisunum

Slaufum þessum! Við munum allt sem einhver gerði einhverjum einhvertímann og munum sko alls ekki fyrirgefa það og ef einhver dirfist til að taka upp hanskann fyrir viðkomandi þá verður þeim hinum sama einnig slaufað. Þetta þarf að viðgangast þangað til beðist er formlegrar fyrirgefningar en það er ekki nóg að koma fram í fjölmiðlum og biðjast afsökunar. Iðrunin þarf að sjást greinilega og dómarar götunnar dæma auðvitað best í þessu og rita sem mest á samfélagsmiðlum til að láta skoðun sína í ljós. Þá þarf að vera víst að hægt sé að treysta hinum dæmda til að brjóta ekki aftur af sér. Dómarar götunnar kunna eflaust skil á því hverjum er hægt að treysta og hverjum ekki. Líklega engum.

En ef þessi sem gerði einhverjum einhvertímann eitthvað er fyrirtæki. Hvað þá? Treystum við því að fyrirtækið brjóti ekki aftur af sér? Ef fyrirtækið hefur brotið af sér oftar en einu sinni til að græða sem mest, hversu oft má fyrirtæki brjóta af sér áður en við hættum að treysta því að það brjóti ekki af sér aftur? Ef þú spyrð Alexu eða Google um hvaða aðili hafi greitt mestar bætur í heiminum vegna glæpa færðu lista yfir fyrirtæki sem þú vildir eflaust geta treyst. Svo virðist sem 90% fullorðinna á Íslandi hafi látið það sem vind um eyru þjóta að lyfjarisarnir sem framleiða bóluefnin fyrir Covid19 eru einmitt þessi dæmdu glæpafyrirtæki. Eitt þeirra var svo gróft að selja barnapúður í tíu ár vitandi að það innihélt asbest og olli mörgum krabbameini.

Hvernig stendur á því að fyrirtæki sem eru margdæmd til að greiða milljarða dollara í sektir fyrir að ljúga um áhrif lyfja, aukaverkanir og innihald fá að halda áfram rekstri og af hverju treystir fólk þessum fyrirtækjum. Er almenningur ekki upplýstur um hvað er að gerast? Er fjórða valdið ekki nægilega upplýst um hvað er um að vera eða getur verið að þeir séu háðir fjármagni frá þessum lyfjarisum? Lyfjaiðnaðurinn er ein stærsta tekjulind sjórnarpsstöðva um allan heim. Munu fjölmiðlar skjóta mjólkurkúna? Varla. Svo virðist sem íslenskir fjölmiðlar éti svo upp allt frá erlendum miðlum án nokkurra spurninga eða athugasemda. Við heyrðum í útvarpsfréttum um daginn að nýtt afbrigði veirunnar, Omicron væri í veldisvexti í Afríku, að hún dreifðist hraðar en forverar hennar en væri líklega, þó það væri ekki vitað með vissu, ekki eins skæð. Næsta svo kallaða frétt á eftir var greinilega tekin beint upp frá einu lyfjafyrirtækjanna um að þriðja sprautan væri góð vörn gegn þessu afbrigði. Þegar veiran var varla þekkt gátu þeir samt komið með þessa tilkynningu sem fjölmiðlar birta sem fullyrðingu án nokkurra spurninga eða athugasemda. 


Svartir sauðir - held ekki

Það sem er helst að gerast er:

1. Skemmtiferðaskip gera lítið annað en hækka fjöldatölur og flækjast fyrir á ferðamannastöðum

Þar á sér stað lítil sem engin verslun. Það er því augljós ástæða fyrir því að gistináttum fjölgar ekki. 

2. Ferðamenn yfir sumartímann leigja sér bíla og tjalda eða jafnvel svefnbíla!

Þetta eru gestir okkar sem hafa minnst milli handa og ferðast mjög ódýrt. 

3. Ný fyrirtæki í ferðaþjónustu greiða ekki skatta á meðan fjárfesting á sér stað á uppbyggingartíma. Þetta held ég að sé megin ástæðan fyrir því að ferðaþjónustan er ekki að skila miklu í ríkiskassann eins og er. Það á eftir að breytast.

4. Flækju leyfis kerfi viðheldur svindli

Þar sem allt er leyfisskylt veigra menn því fyrir sér að hefja löglegan rekstur. Hér eru t.d. löngu úreltar reglugerðir yfir hópferðaleyfi bifreiða. Til að fá hópferðaleyfi á bifreið sem ekki er að lágmarki 10 manna þarf að breyta bifreiðinni. Það þarf að hækka hana um að lágmarki 10% frá framleiðanda. Skiptir þá engu máli hvort bifreiðin er á 15 tommu dekkjum eða 35 tommu dekkjum í upphafi. Líklega hefur þessi reglugerð verið sett á á sínum tíma til að gera mönnum kleyft að selja jeppaferðir upp á hálendi eða jökla. Nú virkar þetta þannig að aksturshæfni bílanna er gert verra og þá öryggi farþeganna líka bara til að vernda ákveðnar stéttir sem halda að þett yrði í samkeppni við þær. Því er það svo að meirapróf gildir ekki á sparneytna heimilisbílinn þar sem það má ekki bjóða velborgandi ferðamönnum upp á slíkt. Þetta er auðvitað alger fásinna þar sem margir ferðamenn hafa bara engan áhuga á því að ferðast í rútum eða risajeppum. Krafan í dag er að fá að velja og fá að velja grænt - sparneytinn lítinn bíl!

Leyfi þarf fyrir því að bjóða ferðamönnum að gista í heimahúsi til að drýgja tekjur heimilisins yfir sumartímann. Leyfis umsóknir og allt vesenið í kringum það borgar sig bara ekki og því er bara einfaldara og fljótlegra að fara framhjá kerfinu!

Þegar farnar eru löglausar leiðir þá eru tekjurnar heldur ekki gefnar upp. Að mínu mati þá fengist mun meira inn í ríkiskassann ef það væri ekki allt þetta leyfiskerfisbákn sem hamlar allri uppbyggingu. Þarna virðast allir flokkar vera jafn slæmir og enginn þorir að stugga við leigubifreiðakerfinu og stóru rútufyrirtækjunum.

 


mbl.is Hlutur svarta markaðarins eykst
Tilkynna um óviðeigandi tengingu við frétt

Hver er munurinn á fíl?

Fyrir hvað vakti þessi túnfiskur athygli í Japan?

Hefði haldið að það ætti einnig að koma fram í fréttinni! Þetta minnir helst á atóm brandarana hér í den. Hver er munurinn á fíl? Hann hvorki hjólar!


mbl.is Túnfiskurinn vakti athygli í Japan
Tilkynna um óviðeigandi tengingu við frétt

Verða fjöldamótmæli á Austurvelli?

Hér er gráupplagt tækifæri til að mótmæla drápum á saklausum borgurum. Kristnir, gyðingar og múslimar (af rangri gerð eða ekki nógu harðir) eru myrtir á hrottalegan hátt. Á sumum stöðum þó, fá þeir að lifa ef þeir gera gagn og greiða sérstakan skatt eða eru þeir einu sem geta unnið sérhæfð störf við olíuhreinsun eða álíka.
mbl.is Fjöldamorð á gasvinnslusvæði
Tilkynna um óviðeigandi tengingu við frétt

Ekki kalla þetta umskurn!

Í greininni er bæði minnst á umskurn og limlestingu. Limlesting eða afskræming kynfæra eru réttu orðin. Forðast ber að nota orðið umskurn um þennan gjörning þar sem það lýsir þessu ekki rétt og er í raun allt of vægt orð. Þessi limlesting er aðallega þrenns konar, 1.stig er að skera burtu sníp, 2.stig að skera burtu innri kynfæri og 3.stig er að skera einnig burtu skapabarma og sauma fyrir allt nema skilja eftir smá op fyrir þvag og blæðingar. Það þarf síðan að skera aftur til að viðkomandi geti átt börn.

Sjá http://en.wikipedia.org/wiki/Female_genital_mutilation

 


mbl.is Krefjast þess að fá að umskera
Tilkynna um óviðeigandi tengingu við frétt

Fáránleg fyrirsögn um aukaatriði!

Aðal atriði fréttarinnar hlýtur að vera hversu hættulegt lyfið er en ekki að stúlkan sem dó hafi dreymt um Ísland. Þetta er bara rugl í mínum huga. Eigum við kannski líka að fjalla um hvort Obama hafi dreymt strigaskó eftir heimsókn Sigmundar næst þegar fjallað er um stríðsrekstur þar á bæ!?
mbl.is Dauðvona stúlku dreymdi um Ísland
Tilkynna um óviðeigandi tengingu við frétt

Erum nú þegar að innheimta gjöld

Við erum nú þegar að innheimta gjöld af ferðamönnum í formi virðisaukaskatts af vörum og þjónustu sem þeir kaupa hér á landi. Það sem hins vegar vantar að gera er að sjá til þess að hluti af þessari skattheimtu skili sér á þá staði þar sem þeir eru innheimtir til að standa straum af gerð stíga, salernisaðstöðu og upplýsingaskilta. Innheimta á aðgangi að ákveðnum ferðamannastöðum hefur í för með sér mikið utanumhald og kostnað.

Ef við ætlum að innheimta sérstakan skatt þá erum svo heppin að búa á eyju þar sem það hlýtur að vera þægilegast að taka gjald við komu til eyjarinnar í höfnum og flugvöllum. Það að hafa fólk til að innheimta á hverjum stað fyrir sig mun aldrei skila sér nema fyrir rekstrinum sjálfum og varla það.

Þá er umhugsunarefni hvort ekki ætti að afnema endurgreiðslu á virðisaukaskatti. Það hefur einnig verið skoðun mín að það sé mjög ósanngjarnt að Íslendingar sem koma til landsins þurfi ekki að greiða gjöld af þeirri vöru sem þeir kaupa erlendis. Hvaða réttlæti er í því að þeir sem hafa ekki efni á því að fara til útlanda þurfi að borga skatta og gjöld af innfluttri vöru meðan þeir sem flakka á milli landa þurfa þess ekki?

 

 


mbl.is Gjaldtaka á ferðamenn skoðuð
Tilkynna um óviðeigandi tengingu við frétt

Dugar ekki til

Ég á ekki von á því að þetta verði flokknum mikið til framdráttar þótt einhverjir líti til Hönnu Birnu.

Það er bara svo margt annað, fleiri flokksmenn sem ættu einnig að taka pokann sinn eftir hrunið. 

Það er einnig allt of skammur tími til kosninga. 


mbl.is „Ég útiloka ekkert“
Tilkynna um óviðeigandi tengingu við frétt

Flott hjá þeim en ...

Ég hélt að þetta væri eina íþróttin þar sem væri ekki kynjaskipting. Ég hafði greinilega rangt fyrir mér. En af hverju er kynjaskipting í þessarri íþrótt?
mbl.is Elsa og Jóhanna efstar
Tilkynna um óviðeigandi tengingu við frétt

All skiljanlegt

Það finnst mér óviðeigandi að benda á að torfhús á landinu séu að grotna niður til þess eins að setja út á byggingu þessa tilgátuhúss. Það má þá einnig benda á að ef hætta á við allt núna og Þorláksbúð rifin mun það bæta við kostnaðinn. Eru ekki önnur og annarlegri sjónarmið hér á ferð.
Halda mætti að hér væri eitthvert prófmál í gangi hvort erfðaréttur arkitekta hafi einnig lögsögu yfir nábýli á byggingarreit. Er ekki nóg að arkitekt hafi leyfi til afskipta af breytingum á húsnæðinu sjálfu að sá réttur erfist ekki til nánustu ættingja. Er ekki einum of langt gengið að skipta sér af því hvort meira sé byggt.
Ef engu má breyta, hefði þá ekki átt að grafa upp útlit kirkjunnar frá miðöldum og hindra það að núverandi kirkja væri byggð?
Ég mótmæli því að höfundaréttur á byggingum gangi langt út fyrir bygginguna sjálfa og mótmæli því einnig að slíkur höfundaréttur geti gengið í erfðir.
Þorláksbúð fer vel þar sem hún er og ef eitthvað er, þá bætir hún umhverfið og kirkjubygginguna.


mbl.is Er Þorláksbúð sögufölsun?
Tilkynna um óviðeigandi tengingu við frétt

Næsta síða »

Um bloggið

Hugsað upphátt

Höfundur

Gunnar Þór Gunnarsson
Gunnar Þór Gunnarsson
SeasonTours - Árstíðaferðir
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Myndaalbúm

Nýjustu myndir

  • ...logo722x200
  • ...logo660x200
  • ...ogo1000x300
  • SeasonTours Logo
  • ...reykjavikii

Tengslasafn

Ýmislegt

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband