Hvar er rannsóknarblaðamennskan?

Sjá fyrri bloggfærslu:
http://gunnsithor.blog.is/blog/gunnsithor/entry/843042

Krónan styrkist um 1,41%

Gengisbreytingar - ársfjórðungsuppgjör

Ég er ekki viss um að krónan sé í frjálsu falli bara vegna viðskipta fyrir utan kerfið. Það er of mikil tilviljun að mínu mati að þetta komi upp bara núna fyrir mánaðarmótin. Þessi verslun hefur verið allan tímann. Hins vegar er núna ársfjórðungsuppgjör bankanna og um leið og 1. apríl kemur upp þá styrkist gengið aftur. Þetta hefur verið svona undanfarið ár og þótt svo að bankarnir séu nú í eigu ríkisins þá þurfa þeir samt að sýna hagnað og gera það á þennan hátt. Hefur þetta alveg gleymst í umræðunni?

Herða á gjaldeyrishöftin

Bandaríska velferðakerfið

Það er auðvelt að segja að þeir ætli ekki sömu leið og við eftir að þeir hafa notað alla heimsbyggðina til að greiða velferðakerfi þeirra verst settu í Bandaríkjum norður Ameríku.
Með því að lána til þeirra sem örugglega gátu ekki greitt sínar skuldir, vöndlað því síðan upp í skuldabréfaböggla sem seldir voru um gjörvallan heim gátu þeir haft skattana lága á kostnað þeirra sem síðan þurfa að greiða fyrir sukkið. Þetta kom kreppunni af stað og felldi bankana. Ekkert nema gott um það að segja EF menn átta sig og hætta svona vitleysu. Hins vegar held ég að menn ættu að passa sig í umræðunni að benda ekki alltaf á þá einu sem eru svo litlir að geta ekki svarað fyrir sig. Það gerir allt miklu erfiðara fyrir okkur og spurning hvort við ættum ekki að fara í meiðyrðamál!!

Obama: Ekki sömu leið og Ísland

Kóngur

Hann heldur ennþá að hann sé konungur yfir Íslandi!
Það var alltaf sagt í gríni að hann væri kóngur en Davíð trúði því að öllu gríni fylgdi einhver alvara og tók þá að halda að alvaran væri að hann væri kóngur.
Alvaran var hins vegar að hann var hrokafullur og lét eins og kóngur. Hrokinn heldur áfram og hann hugsar aðeins um hvernig hann fái sem mest út úr þessu og er alveg sama um íslenska þjóð.
Gott að sjá það svart á hvítu frá bankamönnum erlendis að miðað við öll þau mistök sem hafi verið gerð þá ætti bankastjórn Seðlabankans þegar að hafa sagt af sér. Það eru ekki bara við almúginn sem höldum því fram.

Christensen: Neyðarlegt að Davíð segi ekki af sér

Veljum íslenskt

Frábært að geta valið íslenska framleiðslu núna þegar við erum að ganga í gegnum það ástand sem ríkir.
Ég vona að það brauð sem í er notað íslenskt bygg verði merkt sérstaklega til hvatningar fyrir landsmenn.

Bakarar nota íslenskt bygg

Vargur

Það er vargur á meðal mótmælenda.
Það kæmi mér ekki á óvart að upp muni komast seinna að einhverjir þeirra sem hvetja til og/eða beita ofbeldi í mótmælunum séu í raun að reyna að rýra okkar málstað. Málstað þeirra sem vilja efna til kosninga strax.

Mikilla tíðinda að vænta

Óeirðir - Mótmæli

Það eru nokkrar vikur síðan ég ætlaði að fara niður í bæ að taka þátt í mótmælunum en um leið og ég heyrði að fólk væri að kasta eggjum og fleira smálegu í átt að lögreglunni vildi ég ekki taka þátt í því. Ég þoli engan veginn að lögreglan skuli lenda fyrir barðinu á misvitrum almenningi og vill ekki fyrir nokkra muni láta bendla mig við slíka svívirðu.
Í gærkvöld vildi ég samt sýna stuðning í verki með því að mæta á svæðið með lúðrablæstri og hrópum.
Því miður þá var hópur manna sem grýtti málningu og alls kyns óþverra í Alþingishúsið. Ef það hefði bara verið Alþingishúsið þá væri það kannski sök sér þótt svo ég sé 100% á móti því að eyðileggja eigur lýðveldisins. Því miður horfði ég upp á það að það var ekki endilega verið að reyna að hitta húsið heldur var kastað beint í lögregluna og einnig sú svívirða að hrækja að lögreglumönnum.
Eftir að horfa upp á þetta ákvað ég að fara heim. Ég bara einfaldlega get ekki verið hluti af þessu þegar mótmælendur og óeirðarseggir eru samankomnir.
Þegar það er sagt að ofbeldi ríkisstjórnarinnar réttlæti ofbeldi gegn lögreglumönnum þá er það einfaldlega veruleikafyrrt fólk.
Ég veit það að ef lögreglan gæti fært óeirðarseggina í burt þá gætu mun fleiri mótmælendur mætt á svæðið til að mótmæla. Ef þetta gengur svona áfram þá munum við missa þann rétt að mótmæla.

Tveir lögreglumenn slasaðir

Snilld!

Loksins eitthvað gott, ég bloggaði um hið gagnstæða áðan!
http://gunnsithor.blog.is/blog/gunnsithor/entry/778236/

Hætt við uppsagnir hjá Gæslunni

Loksins á réttum stað

Þá fóru mótmælin loksins fram á réttum stað. Alþingishúsið er friðhelgt og á alls ekki að ráðast gegn því. Eins var um Alþingi í gamla daga á Þingvöllum að það var staður sem ekki mátti berjast á. Allir voru sammála um það!
Nú eru menn að "eggja" Geir og vara ég fólk við því að fara út í ofbeldi. Fólk ætti að temja sér að setja sig í spor annarra áður en það fer út í það að kasta hlutum. Hvernig haldið þið að tilfinningin sé að vera grýttur?
Höldum mótmælunum friðsamlegum og áfram á þessum stað.

Mótmælendur umkringdu Geir

Einkavæðing

Það kæmi mér ekki á óvart að næsta skref væri að einkavæða þetta allt saman. Þá er auðvitað einnig hægt að misnota góðmennsku þjóðarinnar með því að fá björgunarsveitunum meiri verkefni og minni aðstoð frá Landhelgisgæslunni.

Þessu linnir ekki fyrr en núverandi stjórnvöld fara frá því þessi stjórnvöld gera allt sem þau geta til að klípa af stofnunum lýðveldisins. Þegar ekkert er eftir þá er heldur engin þörf fyrir stjórnvöld, þá er komið fullkomið stjórnleysi.

Hversu oft á að þurfa að hamra á því að það má ekki skera niður þegar illa árar í þjóðfélaginu. Nú ætti að gera allt sem hægt er til að halda góðu fólki við störf.

„Verðmætum kastað á glæ með uppsögnum"