"Ráðlögðu" fólki lán en veðjuðu á veikingu

Hið rétt er auðvitað að fólki var RÁÐLAGT að taka erlend lán þótt vitað hafi verið í tvö ár áður en hrunið varð að krónan væri allt of hátt skráð. Það var því vitað að krónan myndi falla þótt ekki væri vitað nákvæmlega hvenær.

Þegar þetta er tekið saman þá er augljóst að um vítavert athæfi er að ræða. Þá er bara spurningin hvort þessi glæpur sé þess eðlis að hægt sé að kæra og fá bættan.

Veittu fólki lán en veðjuðu á veikingu

Ég mótmæli!

Ég mótmæli aðgerðum mótmælenda. Ég mótmæli því að ég þurfi stöðugt að greiða af mínum skattpeningum málningu og þrif eftir mótmælendur. Ég mótmæli einnig öllu ofbeldi mótmælenda hverju sem er verið að mótmæla.

Ofbeldi hefur aldrei í sögu þessa heims getað stöðvað ofbeldi og mun líkast til aldrei gera nema við endum á því að sprengja okkur öll upp.

Ég er sammála því að ofbeldi hafi verið framið af Ísraelsmönnum og allt of margir hafa týnt lífi í aðgerðum þeirra gegn Hamas. Ég er einnig sammála því að Hamas hafi beitt ofbeldi þótt í minna mæli hafi verið. Ég get ekki á nokkurn hátt fordæmt annan hópinn meira en hinn því ég fordæmi þá báða fyrir ofbeldisverk á víxl. Mín skoðun er sú að við eigum að fordæma allt ofbeldi hvar sem það er en við eigum alls ekki að taka afstöðu með öðrum frekar en hinum.

Mótmæla við Alþingi

Skrítið

Þetta er nákvæmlega það sem Hagfræði 101 kennir og ég fjallaði um á blogginu um daginn. Hins vegar virðist vera að íslenskir ráðamenn hafi algerlega misskilið manninn þegar IMF var í viðræðum hér á landi! Gildir kannski ekki það sama á Íslandi og annars staðar. Hvers vegna bregðast allir seðlabankarnir í kringum okkur við aðstæðunum með því að lækka stýrivexti en þeir eru hækkaðir á Íslandi. Hvers vegna er verið að skera niður í ríkisútgjöldum í öllum verkefnum á Íslandi. Þetta passar engan veginn!

Ekki gleyma um hvað fundurinn var!

Fundurinn fjallaði um niðurskurð!
Endemis vitleysa, alltaf sama tuggan.
Eins og ég hef sagt áður þá má ekki skera niður þegar illa árar!
Nú á ríkið að eyða, framkvæma og halda uppi atvinnustiginu.
Síðan þegar aftur fer að ára vel þá á að draga úr framkvæmdum og tryggja þannig jafnt atvinnustig í landinu.
Því miður hef ég af því miklar áhyggjur að stjórnmálamenn ætli sér ekki að læra af þessu. Nú á að reka fólkið úr landinu meðan kreppir að og síðan um leið og allt verður komið í eðlilegt horf þá munum við sjá ríkið dæla peningum í framkvæmdir þegar það á að nota skattpeninga góðæris til að leggja fyrir.

Mótmælendur eiga ekki að bíta

Einum of

Það er alger óþarfi að ráðast inn á Alþingi! Ef það er eitthvað sem getur hjálpað okkur úr þessum kröggum þá er það að leyfa Alþingi að starfa í friði.
Mótmælið frekar við Stjórnarráðið þar sem framkvæmdavaldið er! Það er búið að æsa þessa krakka allt of mikið upp með endalausum mótmælum og á kolvitlausum stað í þokkabót.
Munum það að þeir sem eru kosnir á þing eru þar í okkar umboði. Ef við viljum aðra þá kjósum við aðra. Allt bull um að þetta fólk sé ekki starfi sínu vaxið er auðvitað alger fásinna. Þetta er fólkið sem við treystum fyrir okkar landi og það á að fá að vinna í friði.
Í næstu kosningum munum við eflaust sjá ný andlit en þau andlit munu einnig verða dýralæknar, lögfræðingar, skjúkraþjálfar, hagfræðingar og hvað öll þessi störf nú heita í þjóðfélaginu. Það er enginn útlærður þingmaður og við verðum að átta okkur á því að þeir sem sitja þarna eru að gera sitt besta.
Fullorðið fólk á að fræða börnin sín á því svo þau læri að bera virðingu fyrir þeim sem eru að vinna fyrir þau.
Lítum okkur nær og byrjum heima hjá okkur. Byrjum á því að kenna börnunum að bera virðingu fyrir næsta nágrenni, hætta að henda rusli, fara vel með almennings eigur og vera öðrum til fyrirmyndar í orði og verki.

Mikill viðbúnaður við þinghúsið

Ósjálfstætt fólk

Mikið hljóta sjálfstæðismenn að vera hræddir núna. Ef Davíð kemur aftur inn í stjórnmálin er víst að flokkurinn hverfur endanlega.
Geir er því í mikilli klemmu. Á að láta Davíð fara og þar með láta fylgið hrynja með hann í brúnni eða á að leyfa Davíð að vera og láta fylgið hrynja vegna máttleysis formannsins.
Þetta eru erfiðir tímar fyrir Sjálfstæðisflokkinn. Skrítið hvað er ósjálfstætt fólk í þessum sjálfstæðisfólki!

Miserfitt að hætta í pólitík

Hagfræði 101 - kunnáttuleysi

Enn eitt dæmið hjá stjórnvöldum sem sýnir að allt skal í þrot!
Ég hef sagt þetta einhvers staðar áður en verð nú að endurtaka.
Í Hagfræði 101 er kennt að þegar vel árar í þjóðfélagi og allt í bullandi uppsveiflu eiga stjórnvöld að halda að sér höndum. Þegar síðan illa árar og stefnir í atvinnuleysi þá Á AÐ GRÍPA INN Í. Þá eiga stjórnvöld að EYÐA því það skilar sér allt margfalt aftur í kassann. Hvetja á fólk til að eyða, alls ekki spara því þá stöðvast hjól atvinnulífsins.
Hvað gera stjórnvöld?
Í góðærinu er dælt inn peningum og búin til gjörsamlega óþörf þensla og um leið og kreppir að þá ætla þau að halda að sér höndum og draga saman í ríkisútgjöldum um 10%. Við sjáum strax áhrifin af þessari kreppu á minni tekjum í ríkissjóð. Út á gaddinn með starfsfólkið og greiðum þeim frekar atvinnuleysisbætur í stað þess að greiða þeim fyrir að vinna!!!!
Þetta er einfaldlega bara RUGL!

„Kemur á versta tíma“

Hámark efnishyggjunnar

Að láta brenna sig í fagurskreyttum umbúðum fyrir hundruð þúsunda króna er nauðsynlegt til að allir fái nú séð hversu mikill maður hefur verið í lifanda lífi. Þetta er auðvitað ekkert öðruvísi en þegar höfðingjarnir til forna voru brenndir í skipum sínum nema hvað að nú hefði kannski hentað betur að nota bifreið heimilisins.
Mér dettur í hug, svona í ótíðinni, hvort þetta sé ekki góð viðskiptahugmynd að bjóða upp á "fornar" útfarir. Mjög svo atvinnuskapandi. Íslenski viðurinn, kræklóttur sem hann er og ekki nothæfur fyrir margt, gæti nýst vel við smíði brennuskipa. Bátasmiðir fengju loks einhver verkefni. Skipin þyrftu ekkert að vera vönduð, bara vera nokkrar mínútur á floti eða nógu lengi til að líkið brenni nú sæmilega.
Nú þarf bara að afla leyfa og finna góða vík fyrir víkingasiðina.
E.S. Meðan ég man. Þegar ég dey þá vill ég láta grafa mig í ódýrustu kistunni sem fæst á þeim tíma. Má gjarnan vera úr krossvið.

Líkkistusvik

Hvílíkir spámenn

Hvernig er hægt að treysta svona spám!
Aðrar spár hafa aldeilis ekki gengið eftir hjá þeim.

En hvað um það.
Þetta er kannski leiðin, reynum að auka á bjartsýni landans. Það er víst þannig sem við komumst upp úr þessu á endanum. Svartsýni hjálpar engum.

4,4% hagvöxtur á tímabilinu 2011-2013

Leið til að losna við verðtryggingu

Margir hafa rætt um að verðtryggingin sé mikið böl og sérstaklega fyrir almenning. Af hverju höfum við ekki séð lögð fram frumvörp á þingi um afnám verðtryggingar? Lífeyrissjóðirnir sem eru komnir úr takt við tilgang sinn vilja halda í vitleysuna og líta ekki nægilega langt fram á veginn til að sjá að það verður á endanum einnig þeirra hagur að losa okkur undan bölinu. Okkar hagur er þeirra hagur.

Hvort sem menn eru sammála því að verðtrygging af eldri lánum ætti að vera felld niður eða ekki þá held ég að tími sé kominn til að stöðva þennan ósóma með því að banna verðtryggðar lánveitingar héðan í frá.

Ég legg því til að á Alþingi Íslendinga verði borin upp sú tillaga að lánveitingar héðan í frá megi ekki vera verðtryggðar.

Hið fullkomna fárviðri